ການຊື້ດິນ ແມ່ນການຕັດສິນໃຈທາງການເງິນ ທີ່ໃຫຍ່ທີ່ສຸດຄັ້ງໜຶ່ງ ຂອງຫຼາຍຄອບຄົວ. ລາຍການນີ້ລວບລວມສິ່ງທີ່ທີມງານກວດຈິງ ກ່ອນແນະນຳລູກຄ້າ — ໝາຍ ✓ ໃຫ້ຄົບທຸກຂໍ້ ກ່ອນວາງມັດຈຳ.
ໝວດ A: ເອກະສານ
- 1. ໃບຕາດິນຕົ້ນສະບັບ ມີແທ້ ແລະ ຂໍ້ມູນກົງກັບທະບຽນ ທີ່ຂະແໜງທີ່ດິນ
- 2. ຊື່ໃນໃບຕາດິນ ກົງກັບບັດປະຈຳຕົວ ຂອງຜູ້ຂາຍ (ຫຼື ມີໃບມອບສິດ)
- 3. ດິນບໍ່ຕິດຈຳນອງ, ບໍ່ຖືກອາຍັດ ແລະ ບໍ່ມີຂໍ້ຂັດແຍ່ງ
- 4. ຄູ່ຄອງ ຫຼື ຜູ້ມີຊື່ຮ່ວມ ຍິນຍອມຂາຍ
- 5. ອາກອນທີ່ດິນ ຈ່າຍຄົບຮອດປີປັດຈຸບັນ
ໝວດ B: ສະຖານທີ່
- 6. ພົບຫຼັກໝຸດທຸກແຈ ແລະ ຮູບຮ່າງກົງກັບແຜນຜັງ (ວິທີກວດ)
- 7. ເນື້ອທີ່ຕົວຈິງ ໃກ້ຄຽງກັບໃບຕາດິນ
- 8. ມີທາງເຂົ້າສາທາລະນະ ຫຼື ທາງທີ່ມີເອກະສານ (ທາງເຂົ້າ)
- 9. ບໍ່ເປັນດິນລຸ່ມ ຫຼື ມີແຜນແກ້ໄຂນ້ຳຖ້ວມ (ນ້ຳຖ້ວມ)
- 10. ເພື່ອນບ້ານຢືນຢັນເຂດແດນ ແລະ ບໍ່ມີບັນຫາ
ໝວດ C: ການນຳໃຊ້
- 11. ປະເພດທີ່ດິນ ອະນຸຍາດໃຫ້ໃຊ້ຕາມທີ່ຕ້ອງການ (ປະເພດທີ່ດິນ)
- 12. ບໍ່ຢູ່ໃນເຂດສະຫງວນທາງ ຫຼື ແຜນໂຄງການຂອງລັດ
- 13. ໄຟຟ້າ ແລະ ນ້ຳປະປາ ເຂົ້າເຖິງ ຫຼື ຮູ້ຄ່າໃຊ້ຈ່າຍການເຊື່ອມຕໍ່
- 14. ສະພາບແວດລ້ອມ: ສຽງ, ກິ່ນ, ໂຮງງານ ຫຼື ສິ່ງລົບກວນ ໃກ້ຄຽງ
- 15. ໂຮງຮຽນ, ຕະຫຼາດ, ໂຮງໝໍ ແລະ ທາງໃຫຍ່ ໃນໄລຍະທີ່ເໝາະສົມ
ໝວດ D: ເງິນ
- 16. ລາຄາຕໍ່ຕາແມັດ ທຽບກັບດິນໃກ້ຄຽງ (ຄິດລາຄາຕໍ່ຕາແມັດ)
- 17. ຮູ້ຄ່າໃຊ້ຈ່າຍເພີ່ມ: ຄ່າທຳນຽມ, ອາກອນ, ວັດແທກ, ຖົມດິນ (ຄ່າໃຊ້ຈ່າຍແຝງ)
- 18. ສັນຍາມັດຈຳ ມີຂໍ້ຄືນເງິນ ຖ້າເອກະສານມີບັນຫາ (ສັນຍາມັດຈຳ)
- 19. ການຈ່າຍເງິນ ຜ່ານທະນາຄານ ເຂົ້າບັນຊີເຈົ້າຂອງ
- 20. ມີແຜນຈົດທະບຽນການໂອນ ພ້ອມວັນທີ (ຂັ້ນຕອນໂອນ)
